أه اه اه يا بلدي

لماذا كلما أحبك ظهري ينثني
وكلما أزدت حبا زاد ظهري انحناء
لماذا نهدك لا تتفجر منه الأنهار
لماذا حبك لا يزودني إلا انكسار
لماذا؟
يا…………يا م ص ر
لا ندري في ذكرى النكبة
هل ضاعت كرامتنا حينها؟
أم ضيعتها رياح التطبيع والاستسلام؟
مين يا مصر قال
إن الواد المرسوم علي جبينك دا ابنك
ولا الرسم دا رسمك
مين اللي قال ان العصر المكسوف من حنان المغربية
يبقى عصرك
مين يا مصر عايز يدوس علي المحروم من حب أخوه مكسور الجناح
ويروي عطشه بفجر مسروق من عتمة اليوم الحزين
ينادي كل يوم
هو فيه مساكبن!؟!
ولا حتي مشتاقين!؟!
مين يا مصر يعرف كام في دمك من سنين
كرات حمرة وفقر وجعانين
مين يقول ان اللي قاعد فوق رموشك
دا كحل زينتك
مش لون السنين!؟!
يا مصر يا أم العواجز والعطشانين
لصدر طايب ويوم نسيم
نهر نيلك دا دمي ولا دم المرسومين
فوق جبينك
دا عرقي ولا عرق النعسانين
دمع عينك لمين
يا أم الأرامل واليتامي والسقعانين
يا أمي وأم الدفيانين
مين يا مصر قال
إن الواد المرسوم علي دراعك دا ابنك
ولا الرسم دا رسمك
يا مصر صوتك مرصوف أسفلت دايب من قسي ضهرية
ضلها مدفون تحت شجرة عبيد
بتغني بأعلي صوت
لحن عالي
وانتي لحنك قضية
الهوي قاضيها
والجلاد ماسك دراعك بإيد قوية
بيحلم بصدرك علي عقد عرفى
والشهود قهوة قرود
بيضحكوا….!!
وانتي ما تبكي عليه!!
يا حلوة دول ولادك يمكن تلاقي فيهم ضني
ضميني لصدرك
بس بشويش عليا
أصل انا مسجون
والشوارع ضاقت عليا