إن بغيت أوصف حبيبي بالشعر أنسى الحروف
وإن بغيت أنصف حبيبي بالحكي ضاع الكـلام
لو رسمته في خيالي لوحة ٍ صعب الوصوف
يعجز الرسام يكمّل لوحتـه فمليـون عـام
خلّي أكبر من قصيدة صغتها بأقسى الظروف
وخلّي أكبر من وصوف ٍ رسمها ودّ وهيـام
العرب تحكي وتحكي فسيرة ٍ تغني السيـوف
بسمته تكفي .. وتكفي نظرته تحمـل سـلام
طيفه اللي من عرفته مختلف بين الطيـوف
ولالمحته هام فيني خافـق ٍ عـاش فغـرام
أيه أحبه وليت قلبه لوتكـرّم بـس يشـوف
كيف حبه صار فيني والغـلا أصبـح وسـام
وليت قلبه في غيابي يقتنـع مـرّة ويـروف
دام خلّه عاف غيره وشـال حبـه بإهتمـام
لانثرت سطور شعري صابني رهبه وخـوف
خوف قلبي لو يقصـر والصراحـة مايـلام
هذا حبر العاشق يكتب سيرة ٍ تنقش حـروف
في صدر من هو أحبه ولابعد يكفـي الكـلام
موضوع: إن بغيت أوصف حبيبي بالشعر أنسى الحروف 
الثلاثاء مايو 27 2008, 02:44
