مزايا البنات

1. أنا وماما زي الصاحبات ، دايماً بحكيلها كل إشي ، حتى ماما بتعرف عنك كل إشي
الأخ الكريم : إذا صاحبتك حكت هيك ....تردش ...هاد شغل عرط

2. كلهم شقر وعينيهم ملونة يخزي العين . تقول هي جيتهم من السويد ....بس مهو معهم حق ..إحنا اللي عينا فارغة

3. ببعتولك المسج التالي : اتصل فيي ما معي رصيد ، والسيارة مش بره علشان أروح أشتري كرت

4. لو سألتها عن أحلى عشر سنوات في حياتها رح تحكيلك : ما بين التسعة وعشرين والتلاتين
كيف صارت ؟ بسيطة لإنها بتقعد عشر سنين على بين ما تقتنع إنها دخلت في التلاتينات

5. في شهر رمضان المبارك ما بحطوا لا حمرة و لا بودرة ولا ما يحزنون .....ووقتها بتبين القرعة من إم الشعر ، يعني الحلوة بتبين واللي دايرة على علبة سلمكي بتبين ....وتفرج وإضحك

6. كلهم أخدوا الرخصة بالأقدمية ....أو بالتزكية ....والنتيجة بتقدر تشوفها جهارا نهارا عيانا بيانا

7. في الجامعة بتطلب سندوش روست بيف او هامبروغر - دايماً روست بيف او هامبروغر ، بس ترجع على الدار بتقوم بسدر المنسف لحالها ، والله بوكلونا على جوع

8. إذا حاولت تمسك إيدها بعد شهرين صحبة بتسلخك كف بتعمي ضوك ، ومش بعيد تنزل فيك قتال شوارع ، بس إذا لقيتها صدفة بعرس ابن خالتها ، بتضلكم على البست للصبح ، وبتشبكوا على الدبكة وأعطيني هوارة أبو الحلاني ...وأيوه ...ورووووح ...وللصبح

9. كلهم بابا بحبهم أكتر واحدة بين إخوانها ....وهي وباب زي الصحاب - انظر الشكل صفحة تسعة وراجع النقطة الأولى
المهم إنو بابا باخد رأيها بكل إشي .....هي دقني

10. أكره إشي عليهم يشوفوك بتحضر مباراة ، بمعنى آخر أكتر إشي بكرهوا كرة القدم ، إلا إذا المباراة فيها إيطاليا بتلاقيهم قعدوا يبصبصوا على إجرين مالديني وإنزاغي
بهاي معهم حق ، يعني بصراحة إنزاغي منظر

11. مريحين بالهم من السياسة ، وعلشان الحق والباطل تنحصر اهتماماتهم في المواضيع التالية : ريجيم - لازم أخس كمان خمسين كيلو ، حومرة وبودرة - نزلو حومرة جديدة رقمات خمسين ألف وبطعم السمك ، الطبيخ - ماما طبخت جاجة محشية عكوب ، الفن - ما أزكاه خالد النبوي/ أليكس بجنن/ شفتي أصالة ما أزنخها / مش التلك انه ملحم زين صوته احلى من ديانا كرزون

12. الحمامات النسائية العامة أنظف بمليون مرة من الحمامات الرجالية العامة - بس ريحتها دخااااااااااااااااااااااان بتقتل الرجال في حماماتهم - لتكونوا مفكرينليل انهار براقب حمامات الصبايا حتى أجيب هاي المعلومة ، وصلتني وأنا قاعد بلبي نداء الطبيعة . حابب أضيف إنهم كلهم ما بدخنوا ...بس بابا سمحلهم يأرجلوا .......

13. عندهم حالة تشابه عامة : إذا واحدة عملت تاتو تاني يوم كل بنات تلاقيهم عاملات تاتو ، إذا واحدة حطت خلخال تاني يوم كل بناتتلاقيهم حاطتت خلخال ، لمن وصل الموضوع مرحلة العمليات التجميلية البسيطة ، بطلت تعرف صاحبتك من بين صاحباتها ، شو هاد وين إحنا بالفلبين ؟؟

14. دايماً شنطهم مليانة أشياء زاكية ، إذا جعت بتلاقي معاهم شبس ، شوكلاتة ، دروبس ، المهم شغلى بتتاكل


مع أعتذار شديد الى كل الصبايا خلي روحكم رياضية