جرح الحبيب

شلون أصبر على الآه وأترك نحيبي - بإيدي إدفنت بالقاع جثة حبيبي
لا تظن يطيب - جرح الحبيب
وأترك نحيبي

تعنى يم علي السجاد أبو حمزة الثمالي اليوم - يقله سيدي الودام بدت تحجي وعليك تلوم
شكثر تنحب يا بو الباقر يقولون النحب مذموم - يريدونك تكف دمعك تعيش بلا كدر وهموم
وعن دمعتك يقلون لمن تسحها - هالدمعة للأموات تلجم جرحها
وخايف تصيب - جرح الحبيب
لا تظن يطيب - جرح الحبيب
وأترك نحيبي

يجاوب حجة الباري ويصب دمع المحاجر دم - يقله يا أبو حمزة الوادم حقها ما تعلم
أنا القابض على الجمرة ويظللني سحاب الهم - أطشر بالصبر حزني وردود الحزن يلتم
وتوجرت بحشاي نار المصيبة - شحال إليصد ويشوف مصرع حبيبه
يسعر لهيب - جرح الحبيب
لا تظن يطيب - جرح الحبيب
وأترك نحيبي

يا بو حمزة البعض يفقد عزيزه يظل عليه ينوح - ويظل طول الوكت ينحب ولا يملك زمام الروح
وهذا آنه إلشفت أهلي ضحايا من إديه تروح - بين إلقطعوا جفوفه وبين إلي وقع مذبوح
حقه إليريد يلوم ويبدي الملامة - ما حاضر ولا شاف جثة إمامه
دامي وعجيب - جرح الحبيب
لا تظن يطيب - جرح الحبيب
وأترك نحيبي

يلوموني يا بو حمزة ولا عالينفجع معتب - فرد يوسف فقد يعقوب وظل طول العمر ينحب
وأنا شجم يوسف قبالي أشوفه على الثرى مترب - رجع يوسف وأنا إلما عاد حبيبي وبالدمه تخضب
يوسف عدل ما طاح جسمه وتعفر - وقبالي جسم حسين طاح وتوذر
خلف نحيب - جرح الحبيب
لا تظن يطيب - جرح الحبيب

يا بو حمزة العتب مذموم على الي فقد ظي عيناه - يلوموني البعض حقهم محد شايف إلشفناه
ما شافو طفل ضامي عوض ما تطفى نار حشاه - تصيبه بمنحره النبلة ويتروى بنجيع دماه
ولا شاهدو ا عريس وموذرينه - وتتحنى من دماه راحت يمينه
بالدم خضيب - جرح الحبيب
لا تظن يطيب - جرح الحبيب
وأترك نحيبي

يا بو حمزة الزلم تطلع تقاتل تعرض المنحر - لجن شنهو إلجعل هالقوم تشن غارتها عالخدر
عقب ذبح الزلم بالطف علينه صالت العسكر - الأرامل واليتامة بخوف هجت والخيم تسعر
مرفوعة ليش الروس فوق العواسل - ليش بيسر للشام تمشي الأرامل
وإلي يجيب - جرح الحبيب
لا تظن يطيب - جرح الحبيب
وأترك نحيبي

تحياتىىىىىىىىىىىى
لا تعليق
نائبة المدير

تسلمى اخت نائبة المديرررررررررررررر
تحياتىىىىىىىىىىىىىىىىىىىىىىىى

تسلموا جميعا علي الرد ومشكورين تحياتي الكم